आज : २०७५ भदौ ४ सोमबार | Today: 20th Monday, 2018

विकास र शान्ति बहाली कुनै सम्झौता हुँदैन – मन्त्री भण्डारी

दैलेख, २३ फागुन (रासस): कर्णाली प्रदेशका आन्तरिक मामिला तथा कानुनमन्त्री नरेश भण्डारीले प्रदेशको विकास र शान्ति बहालीमा कुनै सम्झौता नहुने बताउनु भएको छ । उहाँ मंगलबार जिल्ला प्रहरी कार्यालयमा आयोजित अन्तक्र्रिया कार्यक्रममा बोल्दै हुनुहुन्थ्यो । 

दिगो विकासका लागि जुनसुकै नागरिकले दिएका राम्रा सुझाव र सल्लाह सहजै ग्रहण गरेर अगाडि बढ्ने पनि उहाँले बताउनुभयो । 

कर्णाली प्रदेशको समृद्धिका लागि पहिलो काम दैलेखको पेट्रोलियम पदार्थ उत्खनन् भएको पनि उहाँले उल्लेख गर्नुभयो । 

शपथ ग्रहण गरेको चौथो दिनमै शान्ति सुरक्षाको खाका तयार पारेर यो अभियान प्रदेशभर लैजाने सिलसिलामा पहिलो कार्यक्रम दैलेखमा गरिएको भण्डारीले स्पष्ट गर्नुभयो । 

उहाँले भन्नुभयो – “कर्णाली प्रदेशमा लगानीमैत्री वातावरण तयार गर्छौं । ठूला आयोजनाको जिम्मा लिएकाहरुले ढिलाइ गरे कालोसूचीमा राख्छौं ।” 

(फाईल फोटो)