आज : २०७५ असार ७ बिहीबार | Today: 21st Thursday, 2018

कान्तिपुर दैनिकको पेशी आइतबार

काठमाडौँ, १८ फागुन (रासस): सर्वोच्च अदालतले अवहेलना सम्बन्धी मुद्दामा कान्तिपुर मिडिया ग्रुपको पेशी आइतबारका लागि तोकेको छ । 

प्रधान न्यायाधीश गोपाल पराजुलीको एकल इजलासले बयानका लागि आज पेशी तोकेको हो । कान्तिपुरको समूह बयान दिनका लागि उपस्थित भए पनि समयाभावका कारण बयान लिन नभ्याइएपछि यही फागुन २० गतेका लागि पेशी तोकिएको हो । फागुन १३ गते अदालतले कान्तिपुर मिडिया ग्रुपलाई अदालतको अवहेलनासम्बन्धी मुद्दामा ७२ घण्टाभित्र बयान दिनका लागि उपस्थित हुन आदेश दिएको थियो । 

प्रधान न्यायाधीश पराजुलीको जन्ममिति सम्बन्धी समाचारलाई लिएर अधिवक्ता तोयनाथ ढुंगानाले दायर गरेको अवहेलनाको मुद्दामा सुनुवाइपछि अदालतले सो आदेश दिएको हो । अदालतले बयानका लागि म्याद नगुज्रने गरी ७२ घण्टाभित्र ग्रुपका अध्यक्ष कैलाश सिरोहिया, निर्देशक स्वस्तिका सिरोहिया, प्रधानसम्पादक सुधीर शर्मा र समाचारदाता कृष्ण ज्ञवालीलाई उपस्थित हुन भनेको छ ।